Andoni Egañak Elgoibarri. 2013/12/27

captura
Bideoa ikusi nahi bada klik egin hemen

Elgoibar 2013.12.27

Uxue Alberdiren gaia:

Zu Andoni, askotan etorri izan zara Elgoibarra. Askotan kantatu izan duzu Elgoibarko hainbat auzotan, kalean ere ibili izan zara pasieran, eta bertakoei inoiz aitortu ez badiezu ere, beti iruditu izan zaizu herri itsusi samarra. Baina, nago  mirari antzekoren bat ez ote den gertatu. Bat ere espero gabe Elgoibarko emakume batekin enamoratu zara hezurretaraino. Ez dakizu zer gertatzen zaizun, baina Elgoibar, gero eta ederrago ikusten duzu, gero eta ederrago…

Andoni Egañak, bi musikari lagunek, bata klarinetez eta bestea xilofonoz, lagundurik kantatu zituen bi habanera hauek:

Sarritan fijatu izan naiz

herri hontako estanpan

ez dakit orain kolpetik

itxura ona ez daukan.

Lehen parrandan ibili naiz

sarri askotan lau-hankan,

itsusi ikusten nuen

begirada onan faltan,

orain dena aldatu da

dago zerutiar plantan,

hau ia ez da kabitzen

nere buru-eskematan,

ibai ertzeko etxeetan

atea hor jo duk kan-kan,

leheno Bronx* ematen zuen

eta gaur egun Manhattan*.

(*)New Yorkeko bi auzo, Bronx pobrea, Manhattan aberatsa

Ta Elgoibarko neskatxa,

bihotzeko Anastasi,

herriko itsusikeri

gehientsuen anestesi.

Begiak zenbat itsumen

ta bihotzean zer gezi!

Esan nion, afari bat

ez al du honek merezi?

Usatorrera* joan ginan

herriko mugetan kasi.

Hura’re garai batean

juzgatzen nuen itsusi,

eta orain topatu dut

urrezko grifo ta guzti,

hain bainu politik ez det

nere bizitzan ikusi.

(*) Elgoibarko jatetxea, peagetik gertu